பெப்ரவரி 15 ( February 15 )
பெப்ரவரி 15 ( February 15 ) கிரிகோரியன் ஆண்டின் 46 ஆம் நாளாகும். ஆண்டு முடிவிற்கு மேலும் 319 ( நெட்டாண்டுகளில் 320) நாட்கள் உள்ளன.
நிகழ்வுகள்
கிமு 399 - மெய்யியலாளர் சோக்கிரட்டீஸ் மரணதண்டனைக்குள்ளாக்கப்பட்டார்.
590 - பாரசீகத்தின் மன்னனாக இரண்டாம் கொஸ்ராவு முடி சூடினான்.
1637 - புனித ரோம் பேரரசின் மன்னனாக
மூன்றாம் பேர்டினண்ட் முடி சூடினான்.
1898 - ஐக்கிய அமெரிக்காவின் கடற்படைக் கப்பல் USS Maine கியூபாவில் அவானா துறைமுகத்தில் வெடித்து மூழ்கியதில் 260 பேருக்கு மேல் கொல்லப்பட்டனர். இந்நிகழ்வையடுத்து அமெரிக்கா
ஸ்பெயின் மீது போரை அறிவித்தது.
1920 - யாழ்ப்பாணத்தில் முதற் தடவையாக
அரிசி பங்கீட்டு அடிப்படையில் வழங்கப்பட்டது.
1942 - இரண்டாம் உலகப் போர் : சிங்கப்பூர்
ஜப்பானிடம் வீழ்ந்தது. கிட்டத்தட்ட 80,000
இந்திய , ஐக்கிய இராச்சியம், மற்றும்
ஆஸ்திரேலியாப் படையினர் போர்க் கைதிகளாகப் பிடிபட்டனர்.
1946 - ENIAC என்ற முதல் தலைமுறைக்
கணினி அறிமுகமானது.
1950 - சோவியத் ஒன்றியம் , மக்கள் சீனக் குடியரசு ஆகியன பாதுகாப்பு ஒப்பந்தத்தில் கைச்சாத்திட்டன.
1961 - பெல்ஜியத்தில் விமானம் ஒன்று வீழ்ந்ததில் அதில் பயணம் செய்த அனைத்து
அமெரிக்க Figure Skating வீரர்கள் உட்பட 73 பேர் கொல்லப்ப்பட்டனர்.
1970 - டொமினிக்கன் குடியரசு விமானம் ஒன்று சாண்டோ டொமிங்கோவில் கடலில் மூழ்கியதில் 102 பேர் கொல்லப்பட்டனர்.
1989 - ஒன்பது ஆண்டு கால ஆக்கிரமிப்புக்குப் பின்
ஆப்கானிஸ்தானிலிருந்து அனைத்து
சோவியத் படைகளும் வெளியேறியதாக அறிவிக்கப்பட்டது.
1994 - ரஷ்யா தார்த்தஸ்தானை ஒரு
உட்குடியரசாக இணைத்துக் கொண்டது. தார்த்தஸ்தானின் விடுதலைக்கான போர் ஆரம்பமானது.
1996 - சீனாவின் இண்டெல்சாட் செய்மதி ஒன்று ஏவியவுடனேயே கிராமம் ஒன்றில் வீழ்ந்ததில் பலர் கொல்லப்பட்டனர்.
1999 - குர்டிஸ்தான் தீவிரவாதத் தலைவர் அப்துல்லா ஓக்கலன் துருக்கிய இரகசியப் படைகளினால் கென்யாவில் வைத்துக் கைது செய்யப்பட்டார்.
2005 - யூடியூப் சேவை ஐக்கிய அமெரிக்காவில் ஆரம்பிக்கப்பட்டது.
பிறப்புகள்
1564 – கலீலியோ கலிலி , இத்தாலிய வானியலாளர், இயற்பியலாளர், கணிதவியலாளர் (இ. 1642 )
1748 – ஜெரமி பெந்தாம் , ஆங்கிலேய மெய்யியலாளர் (இ. 1832 )
1861 – ஆல்பிரட் நார்த் வொய்ட்ஹெட் , ஆங்கிலேய கணிதவியலாளர், மெய்யியலாளர் (இ. 1947 )
1922 – டி. பி. விஜயதுங்கா, இலங்கையின் அரசுத்தலைவர்
1923 – சத்தியவாணி முத்து , தமிழக அரசியல்வாதி (இ. 1999 )
1931 – மேக்சின் சிங்கர் , அமெரிக்க மூலக்கூற்று உயிரியலாளர்
1949 – அனுரா பண்டாரநாயக்கா , இலங்கை அரசியல்வாதி (இ. 2008 )
1952 – பிரதாப் போத்தன் , தென்னிந்தியத் திரைப்பட நடிகர், திரைப்பட தயாரிப்பாளர்
1984 – மீரா ஜாஸ்மின் , மலையாளத் திரைப்பட நடிகை
இறப்புகள்
1145 – இரண்டாம் லூசியஸ் (திருத்தந்தை)
1965 – நாட் கிங் கோல் , அமெரிக்கப் பாடகர், இசைக்கலைஞர் (பி. 1919 )
1966 – கேமிலோ டோரஸ் ரிஸ்ட்ரிபோ, கொலம்பிய மதகுய்ரு, இறையியலாளர் (பி. 1929 )
1973 – டி. கே. சண்முகம், தமிழக நாடகத், திரைப்பட நடிகர், அரசியல்வாதி (பி. 1912 )
1973 – அழகு சுப்பிரமணியம் , இலங்கைத் தமிழ் ஆங்கில எழுத்தாளர் (பி. 1915 )
1974 – கொத்தமங்கலம் சுப்பு , தமிழக எழுத்தாளர், நடிகர், பாடகர், இயக்குநர் (பி.
1910 )
1988 – ரிச்சர்டு பெயின்மான் , நோபல் பரிசு பெற்ற அமெரிக்க இயற்பியலாளர் (பி. 1918 )
2004 – மன்னவன் கந்தப்பு , ஈழத்து எழுத்தாளர் (பி. 1926 )
சிறப்பு நாள்
விடுதலை நாள் ( ஆப்கானித்தான் )
பரிநிர்வாண நாள் ( மகாயான பௌத்தம் )
கருத்துகள் இல்லை:
கருத்துரையிடுக