அக்டோபர் 16 ( October 16 )

அக்டோபர் 16 ( October 16) கிரிகோரியன்
ஆண்டின் 289 ஆம் நாளாகும்.
நெட்டாண்டுகளில் 290 ஆம் நாள்.
ஆண்டு முடிவிற்கு மேலும் 76 நாட்கள்
உள்ளன.
நிகழ்வுகள்
1775 - ஐக்கிய அமெரிக்காவில்
மேய்ன் மாநிலத்தின் போர்ட்லண்ட் நகரம்
பிரித்தானியரால் எரிக்கப்பட்டது.
1781 - ஜோர்ஜ் வாஷிங்டன்
வேர்ஜீனியாவின் யோர்க்டவுன் நகரைக்
கைப்பற்றினார்.
1793 - பிரெஞ்சுப் புரட்சி: பிரான்சின்
பதினாறாம் லூயி மன்னனின் மனைவி மரீ
அண்டொனெட் கழுத்து
வெட்டி
மரணதண்டனைக்குட்படுத்தப்பட்டாள்.
1799 - பாஞ்சாலங்குறிச்சி மன்னன்
கட்டபொம்மன் ஆங்கிலேயரால்
தூக்கிலிடப்பட்டான்.
1813 - ஆறாவது கூட்டணி நாடுகள்
நெப்போலியன் பொனபார்ட்
மீது லீப்சிக் நகரில் தாக்குதலை
ஆரம்பித்தன.
1834 - லண்டன் வெஸ்ட்மின்ஸ்டர்
அரண்மனையின் தொன்மைப்
பொருட்கள் பல எரிந்து
சேதமடைந்தன.
1905 - ரஷ்ய இராணுவம்
எஸ்தோனியாவில் மக்கள்
கூட்டமொன்றின் மீது சுட்டதில் 94
பேர் கொல்லப்பட்டனர்.
1905 - பிரித்தானிய இந்தியாவில்
வங்காளப் பிரிப்பு இடம்பெற்றது.
1923 - வால்ட் டிஸ்னி நிறுவனம்
ஆரம்பிக்கப்பட்டது.
1934 - குவோமின்டாங்குகளுக்கு எதிரான
சீனக் கம்யூனிஸ்டுக்களின் தாக்குதல்
ஆரம்பமானது.
1939 - இரண்டாம் உலகப் போர் :
பிரித்தானியா மீதான ஜெர்மனிய
வான்படையின் முதலாவது தாக்குதல்
இடம்பெற்றது.
1942 - பம்பாயில் இடம்பெற்ற
வெள்ளப் பெருக்கில் 40,000 பேர்
கொல்லப்பட்டனர்.
1949 - கிரேக்க கம்யூனிசத் தலைவர்
நிக்கலாஸ் சக்காரியாடிஸ் தற்காலிக
போர்நிறுத்தத்தை அறிவித்தார். கிரேக்க
உள்நாட்டுப் போர் முடிவுக்கு வந்தது.
1951 - பாகிஸ்தானின் முதலாவது
பிரதமர் லியாகட் அலி கான்
ராவல்பிண்டியில்
சுட்டுக்கொல்லப்பட்டார்.
1964 - மக்கள் சீனக் குடியரசு தனது
முதலாவது அணுவாயுதச் சோதனையை
மேற்கொண்டது.
1973 - ஹென்றீ கிசிங்கர் , லே டுக் தோ
அமைதிக்கான நோபல் பரிசு பெற்றனர்.
1975 - கிழக்குத் திமோரில் ஆஸ்திரேலிய
தொலைக்காட்சி
ஊடகவியலாளர்கள் ஐந்து பேர்
இந்தோனீசியப் படைகளினால் சுட்டுக்
கொல்லப்பட்டனர்.
1984 - தென்னாபிரிக்காவின்
டெஸ்மண்ட் டூடு அமைதிக்கான நோபல்
பரிசு பெற்றார்.
1987 - தெற்கு இங்கிலாந்தில்
இடம்பெற்ற சூறாவளியில் 23 பேர்
கொல்லப்பட்டனர்.
1996 - குவாத்தமாலாவில்
உதைப்பந்தாட்டப் போட்டி நிகழ்வில் ஏற்பட்ட
நெரிசலில் சிக்கி 84 பேர்
கொல்லப்பட்டனர்.
1998 - சிலியின் முன்னாள்
சர்வாதிகாரி ஆகுஸ்டோ பினொச்சே
லண்டனில் கைது செய்யப்பட்டார்.
2003 - தமிழ் விக்கிப்பீடியாவில்
முதலாவது கட்டுரை சிரின் எபாடி பற்றி
எழுதப்பட்டது.
2006 - ஈழப்போர் : இலங்கை, ஹபரணையில்
நடத்தப்பட்ட தற்கொலைக்
குண்டுத்தாக்குதலில் 102 கடற்படையினர்
கொல்லப்பட்டனர்.
2006 - இலங்கையில் 1987 இல் இலங்கை-
இந்திய ஒப்பந்தத்தை அடுத்து
இணைக்கப்பட்டிருந்த வடக்கு மற்றும் கிழக்கு
மாகாணங்களின் இணைப்பு
செல்லுபடியற்றது என்று இலங்கை உயர்
நீதிமன்றம் அறிவித்தது.
பிறப்புகள்
1700 – ஊத்துக்காடு வெங்கட
சுப்பையர் , கருநாடக இசைக் கலைஞர் (இ.
1765 )
1758 – நோவா வெப்ஸ்டர் ,
அமெரிக்க எழுத்தாளர் (இ. 1843 )
1854 – ஆஸ்கார் வைல்டு , ஐரிய
எழுத்தாளர் (இ. 1900 )
1873 – இலெவ்
அலெக்சாண்ட்ரோவிக் சுகேவ் , உருசிய
வேதியியலாளர் (இ. 1922)
1881 – மு. கதிரேசச் செட்டியார்,
தமிழறிஞர் (இ. 1953 )
1886 – டேவிட் பென்-குரியன் ,
இசுரேலின் 1வது பிரதமர் (இ. 1973 )
1890 – மரியா கொரெற்றி ,
இத்தாலியப் புனிதர் (இ. 1902 )
1918 – லூயி அல்தூசர் , அல்சீரிய-
பிரான்சிய மெய்யியலாளர் (இ.
1990 )
1927 – கூன்டர் கிராசு , நோபல் பரிசு
பெற்ற போலிய-செருமானிய
எழுத்தாளர் (இ. 2015 )
1946 – நவீன் பட்நாய்க், ஒரிய இந்திய
அரசியல்வாதி
1948 – ஹேம மாலினி , இந்திய நடிகை
1949 – கிரேசி மோகன் , இந்திய நடிகர்
1963 – சூசை, கடற்புலிகளின் தலைவர்
1975 – ஜாக் கலிஸ் ,
தென்னாப்பிரிக்கத் துடுப்பாளர்
1977 – ஜான் மேயர் , அமெரிக்கப்
பாடகர், இசைக் கலைஞர்
1982 – பிரித்விராஜ் சுகுமாரன், இந்திய
நடிகர், பாடகர்
1990 – அனிருத் ரவிச்சந்திரன் , இந்திய
நடிகர், பாடகர்
இறப்புகள்
1799 – கட்டபொம்மன்
பாஞ்சாலங்குறிச்சி மன்னன் (பி. 1760)
1946 – ஆல்பிரட் ரோசன்பெர்க் ,
எசுத்தோனிய அரசியல்வாதி (பி. 1893 )
1951 – லியாகத் அலி கான் ,
பாக்கித்தானின் 1வது பிரதமர் (பி. 1895 )
1956 – ஜூல்ஸ் ரிமெட், பிரான்சியத்
தொழிலதிபர் (பி. 1873 )
1998 – ஜான் பாஸ்டல்,
அமெரிக்க கணினியியலாளர் (பி.
1943 )
சிறப்பு நாள்
ஆசிரியர் நாள் ( சிலி )
மயக்கவியல் நாள்
உலக உணவு நாள்